LIKEVEKT – finn talet som manglar! (0–10, 0–20 og 0–100) – nynorsk

Skålvekter som gjer likskapsteiknet synleg. Elevane finn talet som manglar, slik at begge sider av vekta har same verdi. Heftet startar med kuler på vekta i 0–10 og går steg for steg over til reine reknestykke med addisjon og subtraksjon. Ferdig til utskrift, med fasit og rettleiing for læraren.

Dette får du:

• 42 arbeidsark med 168 oppgåver (fire oppgåver per ark)

• 22 ark i 0–10 fordelte på fire trinn, 10 ark i 0–20 og 10 ark i 0–100

• Aukande vanskegrad gjennom arka i alle tre talområda

• Ei sjekk-line på kvar oppgåve, så elevane kontrollerer svaret sjølve

• Rettleiing for læraren med framlegg til gjennomføring, differensiering og leikbetonte aktivitetar

• Fasit til alle oppgåvene

Slik er progresjonen i 0–10:

1. Med kuler: Elevane tel og finn kor mange kuler som manglar.

2. Tal og reknestykke: Eitt tal mot eitt reknestykke.

3. Addisjon på begge sider: Elevane oppdagar at 4 + 3 og 3 + 4 gir same verdi.

4. Addisjon og subtraksjon: Reknestykke på begge sider, med aukande vanskegrad.

I 0–20 og 0–100: Arka stig i vanskegrad, frå ukjent ledd i addisjon via ukjent første tal i subtraksjon til ukjent tal som blir trekt frå. Tiarovergangar kjem oftast mot slutten.

Passar for: Elevar på småtrinnet som øver på likskapsteiknet og ukjende tal, og elevar som treng støtte. Elevane kan starte på eit trinn som passar dei og gå vidare i eige tempo.

Læreplan: Støttar arbeid med addisjon og subtraksjon, samanhengen mellom dei, og det å skildre likskap og bruke likskapsteiknet (LK20 matematikk, 2.–3. trinn).

Tips: Skriv ut fleire sider per ark.